隨著時間的流逝, 我地都長大了, 可能都到左 “大人”所講o既談婚論嫁o既時候. 雖然自己表面上係一個 “大人”, 但係自己卻由此至終都覺得自己仍然係一個 “小朋友”. 吾係話自己想認細, 而係覺得自己思想上仲未達到真正大人的標準. 我仍然好中意玩, 我仍然好想有自己o既私人空間, 我吾中意比人束搏住! 就好似以前一個姐姐o既媽咪話頭, 依种情況就似一只 “野馬”, 中意四周圍跑!

我周圍已經有吾少同學結左婚或者準備結婚了. 好似條魚甘, 一早已經結婚了. 而笑嫻姐同我表弟今年就會結婚. 可能係出於關心, 都會問我幾時結婚. 如果兩年前問我依個問題,我會答: 我想快D結婚! 但如果依家要我再答依個問題, 我就林都吾使林就講: 我吾想甘早結婚! 點解? 因為我仲想玩耐D! 依家可能心智成熟左了, 我會覺結婚其實係要林好多野, 吾係話結就結, 吾同係街市買顆菜, 結婚係自己o既終身大事, 我吾想結左婚沒幾耐就離婚. 我吾想結左婚後沒幾耐就吵交! 其實依D都吾係D咩主要o既原因, 最主要係因為我想趁住自己後生, 有時間同有精力, 去多D地方旅行! 如果結左婚o既話, 我就沒甘多時間同精力去玩了, 至少我會成日林住要照顧自己個 “老公”, 又或者會林住要盡快生個BB. 好似條魚甘, 佢依家準備有BB了, 想去旅行又怕已經有左BB, 有好多野都受限制. 學阿琼話頭, 我吾想甘快走入圍城.

吾單止有人未結婚, 可能有人連拖都未拍! 我想講o既係, 千奇吾好見到人有你沒而要去 “結婚” 或者求其穩個 “男/女朋友”. 而現實中好多野都係人有你沒o既, 吾可以你話想要就可以要. 有時有D野可能現階段沒, 但吾代表你以後吾會有. 我相信幸福總有一天會降臨的! 而我覺得最緊要係清楚自己到底想要D咩! 按住自己o既計劃去行下一步總好過跟著別人的屁股走! 最後, 推荐一首歌:《電燈膽》!